:::

園區日記

落雨天遶客家文化主題公園 NEW!

2011 / 11 / 05  23:14:02 陳靜儀

      在台北市汀州路項个客家文化主題公園,1015號開園到今有半隻零月了,拜六、拜日放尞日个時節,園區係有舉辦活動,佢係一隻當鬧熱个公園。

    今晡日下晝頭來到公園尞,來到公園有一種特別親切个感覺,乜分我尋轉兒時个記憶。敬字亭,客家人係盡惜文字个族群,就算係寫過个紙乜毋好請採擲,愛拿到敬字亭裡肚燒。還細个時節,輒常聽爺哀講,書做毋得扯、報紙做毋得坐、字做毋得踏,無(不然)會變戇,下二擺會讀書毋識哩!

    伯公下,頭擺客家人拜神摎打嘴鼓尞涼个所在。記得還細个時節,我盡愛跈吾爸去拜伯公,年節阿爸、阿姆會準備到當澎湃,擐等牲禮、餅仔、水果這兜去拜伯公,在拜神中吾爸會拿等兩隻銀角仔緊跌筶,係看著阿爸笑瞇瞇个,就知佢跌聖筶了。現下在都市,既經看毋著頭擺該種純樸个伯公亭了,來到公園个伯公亭,我用手拜拜,祈求伯公庇佑屋下人平安順利。

    伯公亭後背就係菸樓水車,頭前係生態圳溝,來到這位,雨毛仔緊落緊大,我護等頭那毛摎翕相機在雨中散步。菸樓係頭擺在美濃焙菸草起个建築;水車摎圳溝(溝渠),係客家農村个一種灌溉用具,企在水車摎木橋个頭前,想起頭擺叔公用大个竹gongˇ仔(竹筒),中央有目个所在挖忒,接起來就像係一條大水管,就恁仰引水到田項。故所,先民放圳水蔭田个智慧,實在佩服!

    行到農業體驗區當暢(高興)看著禾仔既經有禾串了,還有等人惜个草人仔,菜園種已多菜,有芥菜、薑麻、七層塔、蕃薯葉、guaiˋ絲(紫蘇)、、、等等,全部佇當有客家味緒喔!企在雨中个農業體驗區,腦海中出現个係頭擺客家人煞猛打拚,勤儉做家个影仔。這種精神分後代个,乜有盡深个影響喔!

    天色漸漸仔轉烏,這擺真識落大雨咧!毋係雨毛仔,風大雨大,kiam()堤平台,無法度行過去,愛仰結煞呢?先到菸樓寄雨一下,在菸樓望等平台該片,我看平台實在無輸淡水「漁人碼頭个情人橋」,kiam()堤平台當有設計感,到暗晡頭花喇必駁个燈光輪流變化,一下變紅色、一下變藍色、綠色、又變轉水紅色,實在還竳線、還靚又加添幾分神秘感,該種感覺假使無親身體驗係感受毋著个喔!雨放勢落,心肝肚當毋甘願,擎起遮仔、用衫褲(蓋著)相機,走過去平台遽遽翕幾張相片,翕好歸身分雨涿到潦潦,正愛行過去室內个文化中心尞个時節,有朋友笑我:你真識發揮了客家精神喔!斡頭看一下園區个該兜風景,佢兜係恁竳線、恁純樸、恁堅持,恬恬仔企在公園肚,迎接來自四方八面認同客家文化个各各階層。

    最後,我愛摎大家講:客家文化主題公園係適合老嫩大細來尞个好所在,文化中心一樓到三樓有客家文物做得參觀,二樓有數位紀念翕像館,做得分人翕相,已好搞又生趣,三樓有電影好看;對面个音樂戲劇中心,下把仔會有戲劇表演分大家欣賞,一樓有紹介戲曲个演變,有凳仔分人坐,還有茶水間,盡利便!園區有辦活動个時節,大人渡細人仔做得來做手藝DIY,客家文化主題公園毋單係客家人个公園,歡迎各族群、大自家有閒來尞喔!

落雨天遶客家文化主題公園

落雨天遶客家文化主題公園

落雨天遶客家文化主題公園

落雨天遶客家文化主題公園

落雨天遶客家文化主題公園

落雨天遶客家文化主題公園

Google 日曆

捷徑工具列

活動報名

更多活動

預約服務

預約導覽

凡想對客家文化主題公園有更進一步瞭解及專人解說需求,歡迎各機關團體及學校個人登錄參觀日期,於備註欄位註明希望參觀的區域 ( 例:文化中心、戲劇中心、戶外園區等 ),並為保持導覽品質,同一時段入園導覽人數將以 150 人為上限,本會會有專人與您聯繫並告知預約日期是否成立,若造成您的不便,敬請見諒。

前往預約

場地租借

  1. 申請前,務必請先閱讀「臺北市客家文化主題公園」場地申請借用須知與各場域相關申請使用規定。
  2. 開放申請時間如下:
    1. 每年4月份起開放當年下半年度(7月-12月)之場地使用申請。
    2. 每年10月份起開放次年上半年度(1月-6月)之場地使用申請。
  3. 承辦人及聯絡方式:行政管理組 (02)2369-1198 分機 332
前往租借

附設停車場

一、收費時間:24小時。

二、開放時間:
(一)一般停車:
1. 客家文化中心附設停車場:每日24小時。
2. 大客車停車場:每日上午9時起至晚間18時止,適逢週一休館,停止開放;春節假期亦同,晚間18時至早上9時前不開放進出停放。
(二)租用停車:
1. 全日租用:每日24小時。
2. 日間租用:週一至週五上午8時起至晚間20時止。
3. 夜間租用:每日晚間20時起至翌日上午8時止。

附設停車場相關規定

會員專區

帳號
密碼
驗證碼 顯示隨機驗證碼 刷新驗證碼
( 無障礙輸入輔助 )
※ 本驗證碼為隨機,英文不分大小寫,可確保您的資訊安全
會員註冊

客家寶閣

客家諺語

客家歌謠

客家風雲人物

園區指南

交通指南

地址:臺北市中正區汀州路三段2號

電話:02-2369-1198

信箱:service@thcp.org.tw

詳細交通指南

常見問題

哈客影音庫

更多影片

好客園地

志工園地

帳號
密碼

社團園地

相關連結

最新影片

More